హన్మకొండ యువ చదరంగ సంచలనం ఇరిగేసి అర్జున్.. అదరగొట్టాడు. అతను 14 ఏళ్లకే గ్రాండ్‌మాస్టర్‌ అయ్యాడు. తెలంగాణ రాష్ట్రం నుంచి గ్రాండ్‌మాస్టర్‌ అయిన తొలి క్రీడాకారుడు అర్జునే కావడం విశేషం. అర్జున్ అబుదాబిలో బుధవారం ముగిసిన ఇంటర్నేషనల్‌ చెస్‌ ఫెస్టివల్‌, మాస్టర్స్‌ టోర్నీలో సత్తా చాటాడు. ఇప్పటికే రెండు గ్రాండ్‌మాస్టర్‌ నార్మ్‌లు సాధించిన అర్జున్.. ఈ హోదా పొందడానికి అవసరమైన మూడో నార్మ్‌ను అబుదాబి టోర్నీలోనే అందుకున్నాడు. అతను మొత్తం తొమ్మిది రౌండ్లలో ఆరు పాయింట్లు గెలిచాడు. చివరి రౌండ్లో అర్జున్ కృష్ణతేజపై విజయం సాధించాడు.
‘‘తెలంగాణ నుంచి మొదటి గ్రాండ్‌మాస్టర్‌గా నిలిచినందుకు చాలా సంతోషంగా ఉంది. మొదట్లో అంతర్జాతీయ స్థాయి ఆటగాళ్లతో ఆడినపుడు భయంగా ఉండేది. అయితే ఇప్పుడు ఎలాంటి బెరుకు లేకుండా ఆడుతున్నా. పెద్ద టోర్నీల్లో ఆడినపుడు పోటీ తీవ్రంగా ఉంటుంది. ఏ టోర్నీ అయినా పూర్తి ఆత్మవిశ్వాసంతో బరిలో దిగుతా’’ అని అర్జున్ అన్నడు
No comments:
Post a Comment